ప్రమాద ఘటనపై మంత్రి మండిపల్లి దిగ్భ్రాంతి

రాయచోటి, ఫిబ్రవరి 23 :
రాయచోటి మండల పరిధిలోని శిబ్యాల గ్రామ సమీపంలో ఆదివారం మధ్యాహ్నం 3 గంటలకు టాటా ఏస్ వాహనం బోల్తా పడి 12 మందికి తీవ్ర గాయాలై నలుగురు పరిస్థితి విషమంగా ఉంది. గాయపడిన వారిని టిడిపి నాయకులు మౌర్యారెడ్డి, నిచ్చల్ నాగిరెడ్డి వెంటనే ప్రభుత్వ ఆసుపత్రికి తరలించారు. ఈ ఘటనపై రాష్ట్ర రవాణా, యువజన క్రీడా శాఖ మంత్రి మండిపల్లి రాంప్రసాద్ రెడ్డి తీవ్ర దిగ్భ్రాంతి వ్యక్తం చేశారు. విషమ పరిస్థితిలో ఉన్న వారికి అత్యవసర వైద్య సేవలు అందించాలని వైద్యాధికారులకు మంత్రి మండిపల్లి రాంప్రసాద్ రెడ్డి ఫోన్ చేసి తెలిపారు.